Феникс санс си најде шампионска мерка и веќе води со 2:0 против Милвоки бакс во финалето на НБА-лигата. Сонцата повторно постигнаа 118 поени, доволно за нов триумф против Елените, кои стигнаа до 108 поени, недоволни за брејк во „Феникс арената“.
Првиот меч заврши исто така со победа на Санс, тогаш беше 118:105, а повторно тандемот Букер-Пол беше нерешлива енигма за Милвоки.
Заедно искомбинираа 54 поени, три помалку од првиот меч, одличен беше и Бриџис со 27 поени, а Феникс забележа клупски рекорд од 20 тројки во плејоф-меч.
BOOK IS TOUGH.
(via @NBA) pic.twitter.com/vsHdKCUdbM
— Bleacher Report (@BleacherReport) July 9, 2021
Дури шестмина кај домашниот состав имаа повеќе од една погодена тројка, па расположениот Јанис Адетокумбо не можеше да им се спротивстави сам.
Гркот постигна 42 поени и имаше 12 скока, но останатите гостински кошаркари имаа скромен учинок. Потфрли втората Олстар-ѕвезда кај Бакс, Крис Мидлтон, само со 11 поени.
Следниот меч се игра во понеделник, во 02 часот по полноќ.
