Ахмед Хафнауи ја испиша една од најголемите пливачки сензации во историјата на Олимписките игри, откако успеа да го освои златото на патеката од 400 метри слободен стил. Неверојатниот 18-годишен пливач од Тунис ги победи фаворизираните Американци кои завршија на второто и третото место.
За тоа колкаво изненадување е победата на Хафнауи покажува и фактот дека во финалето пливаше во најтешката, осма патека, која е за пливачот кој имал најслабо време. И во текот на финалната трка, Хафнауи постијано беше во заостанување, но со неверојатно пливање во последните 50 метри успеа да ги помине најдобрите.
18-year-old 🇹🇳 Ahmed Hafnaoui of Tunisia came from behind to win gold in the men's 400-meter freestyle. https://t.co/oGx14Hwtpn pic.twitter.com/o9leZwGnw3
— NYT Graphics (@nytgraphics) July 25, 2021
На крајот, Хафнауи заврши со време од 3:43.36 минути, време кое е речиси две и пол секунди побрзо од тоа што пливаше во квалификациите. Тој е само треиот пливач во историјата на ЛОИ кој успеал да стигне до златен медал, а стартувал од осмата патека.
Во пливачките дисциплини беше поставен и првиот светски рекорд и тоа од женската штафета на Австралија во трката 4 по 400 метри. Новото најдобро светско време на оваа патека е 3:29.69 минути.
