Русинот Карен Хачанов се пласираше во осминафиналето на Мастерс турнирот во Торонто, но мечот имаше неочекуван инцидент. Хачанов со 2:0 во сетови го совлада сонародоникот Аслан Карачев (7:6, 6:4), но на стартот од вториот сет влезе во жестока расправија со судијата Рене Лихштајнер.
При 0:1 во гејмови и 40:40 во поени, Хачанов загуби поен по неизнудена грешка, а потоа извика „мерда“, што зна шпански значи го*но. Судијата Лихштајнер веднаш го казни Хачанов со одземање на еден поен поради недолично однесување. Тогаш Русинот се налути и почна дебата со судијата.
„Чекај како мислиш казнен поен? Ќе ме казниш поради „mierda“. Тоа е како на англиски да кажеш „shit““, се налути Хачанов, а судијата му објасни „Не смееш тоа да го кажеш. Тоа е навредлив збор“.
Рускиот тенисер не сакаше да се помири со тоа дека треба да биде казнет, па побара да зборува со супервизорот на турнирот. По неколкуминутно убедување и со супервизорот, Хачанов на крајот сепак беше казнет со еден поен, затоа што тоа што го кажал, се слушнало во преносот, бидејќи немало публика на трибините.
"What do you mean bad word, what is a bad word?" https://t.co/2Rwokrkojh
— Kenny Ducey (@KennyDucey) August 11, 2021
