Пол Погба донел одлука да не го продолжува договорот со Манчестер јунајтед, туку да чека следната сезона да му истече договорот и како слободен играч потоа да одбере каде ќе ја продолжи кариерата. Французинот веќе со години е на мета на Реал Мадрид, а според некои пишувања, Кралскиот клуб уште од сега се договорил со Мбапе за доаѓање на „Сантијаго Бернабеу“ следното лето.
Во 10-годишната кариера, Погба има играно само за Манчестер јуанјтед и Јувентус. Почна на „Олд Трафорд“ во 2011 година, а слдната година направи трансфер во Јувентус каде што остана четири сезони. Од 2016 година повторно е во Манчестер со договор кој му истекува во јуни 2022 година и нема намера да го продолжи, што значи дека Реал Мадрид ќе може да го доведе како слободен играч.
📰🗣️
Paul Pogba will run down the final 12 months of his #MUFC contract before joining Real Madrid on a free transfer next summer.
— Sky Sports Premier League (@SkySportsPL) August 15, 2021
Слична е ситуацијата и со Килијан Мбапе во ПСЖ. Голгетерот има договор со Светците до јуни 2022 година, а потоа е слободен играч. Мбапе најави дека нема да ја продолжи соработката со ПСЖ и дека во следната сезона како слободен играч ќе си бара нов клуб, а тоа секако треба да биде Реал Мадрид.
Ако се остварат овие планови, Реал Мадрид следната година ќе го добие француското дуо Погба-Мбапе за безпари, а двајцата на пазарот се проценуваат дека заедно вредат околу 250 милиони евра.
Ваква тактика со доведување на играчи чии договори се истечени летово направи ПСЖ и успеа без да даде ниту едно евро на „Паркот на принцовите“ да ги донесе Лионел Меси, Серхио Рамос, Џиџи Донарума и Џорџино Вајналдум.
