Македонскиот првак во футсал, екипата на КМФ Проект, вечерва во Гевгелија го загуби клучниот натпревар во битката за место во Лигата на шампионите и нема да биде дел од европската елита во фудбал во сала.
КМФ Проект беше поразен од Луксол Сент Ендрјус од Малта со 0-5, па Малтежаните го освоија првото место во групата, во која беа и два послаби тима од Израел и Велс, кои нашиот клуб ги надигра убедливо. Луксол првото полувреме го доби со 3-0 и ја најави победата, а Проект тргна во напади, ризикуваше повеќе, но не успеа ниту во вториот дел да постигне почесен гол.
