Она што беше познато од пред некој ден, сега стана и официјално, Кристијано Роналдо е нов член на Манчестер јунатед. Црвените ѓаволи го комплетираа трансферот на Португалецот, кој изминатите три сезони играше за Јувентус.
„Сите кои ме познаваат, знаат каква љубов имам кон Манчестер јунајтед. Годините кои ги поминав во овој клуб беа неверојатни, заедничкиот пат што го имавме беше испишан со златни букви во историјата на овој неверојатен клуб. Не можам да ви го опишам тоа што моментно го чувствувам откако е објавено дека се враќам на Олд Трафорд. Ова е остварување на сонот. Секој пат кога се враќав да играм тука против Јунајтед, чувствував љубов и почит од навивачите. Мојата прва титула во Премиер лигата, ФА купот, повикот во репрезентацијата, првата Лига на шампиони, Златната копачка и Златната топка дојдоа поради специјалната конекција помеѓу мене и Црвените ѓаволи. Историјата беше напишана во минатото, историја повторно ќе биде испишана. Го имате мојот збор. Се вратив таму каде што припаѓам.
П.С. Сер Алекс, ова е за тебе!“, напиша Роналдо.
