Легендата на НБА, Марк Џексон, е изненаден од информацијата дека Лука Дончиќ нема да се најде на листата со најдобрите 75-мина кошаркари што ја подготвува НБА за прославата на 75-тиот роденден.
Јубилејот ќе биде оваа година и на листата има многу познати кошаркари меѓу, кои и активните играчи Леброн Џејмс, Стеф Кари, Кармело Ентони, но не и Дончиќ.
„Луѓето веројатно сметаат дека е премлад и не е долго во НБА-лигата, но Лука е вистински избор за листата со најдобри кошаркари во историјата на лигата. Според тоа што го прикажува, заслужува да се најде на неа. Јас да гласав, Лука ќе беше на списокот, изјави Џексон.
Дончиќ ќе ја игра четвртата сезона во НБА, сите ги мина во Далас маверикс, а игра импресивно. Просекот му е 25,7 поени, 8,4 скока и 7,7 асистенции, што е блескав учинок.
