Женската кошаркарска репрезентација на Македонија загуби дома од Босна и Херцеговина со 64-80 во второто коло од квалификациите за Европско првенство.
Победникот се знаеше уште пред натпреварот, Босанките предводени од најдобрата кошаркарка во женската НБА-лига, Џонкел Џонс, беа петти на претходното ЕП.
Митрашиновиќ со 24, Трајчевска со 15 и Бонер со 11 поени беа најефикасни во македонскиот национален тим. Слаба точка кај нашите кошаркарки беше шутот за три поени (само три реализации од 26 обиди).
Натурализираната Босанка, Џонс, за 33 минути игра имаше 30 поени и 17 скока.
