Кошаркарската федерација на Македонија ги информираше љубителите на спортот дека од денеска почнува продажбата на билети за кошаркарскиот спектакл кој ќе се одржи на 26 ноември во СЦ „Јане Сандански“ во Скопје, а тоа е пресметката на македонската машка репрезентација и Шпанија од квалификациите за СП 2023.
За првпат во својата историја, македонската сениорска машка репрезентација пред себе ќе има актуелен светски шампион. Црвената фурија за првпат ќе ни гостува во Скопје. Иако некомплетна, без најголемите ѕвезди кои играат во НБА и Евролигата, Шпанците во Скопје ќе допатуваат со респектабилен состав во кој има пет соиграчи на Ненад Димитријевиќ од Валенсија.
Мечот се игра следниот петок од 19.30 часот, а продажбата на влезниците ќе се одвива онлајн и на продажните места на „МКТикетс“ низ Македонија.
