Денвер нагетс ја продолжи серијата на четири победи откако ноќеска беа подобри од Далас со 126:118. Никола Јокиќ го доби балканскиот дуел против Лука Дончиќ, а српскиот кошаркар го предводеше својот тим со дабл-дабл од 32 поени и 16 скока, а имаше голема помош од Џамал Мари, кој додаде 22 поени и 15 асистенции.
И Дончиќ успеа да оствари двоен учинок, но ниту 23 поени и 12 асистенции не беа доволни за Маверикс да го избегне 14-от пораз. Најефикасен во гостинскиот состав беше Харисoн Барнс со 30 поени.
ЛА лејкерс го претрпе вториот пораз во низа на гостувањата на Истокот, а Бруклин нетс ја запиша шестата последователна победа со конечни 115:110. Поранешниот „езерџија“ Дианџело Расел блескаше против тимот кој го драфтуваше во НБА-лигата, со двоен учинок од 23 поени и 13 асистенции.
Ниту расположениот Леброн Џејмс не можеше да го спречи налетот на Нетси, иако мечот го заврши со високи 36 поени и 13 скока, а Лонзо Бол додаде 23 поени.
https://www.youtube.com/watch?v=HZGXkYyTnfY
Лери Ненс јуниор со одбојкарски потег донесе триумф за Кливленд кавалирс на гостувањето кај Индијана со конечни 92:91. Крилниоц центар на „коњаницата“ беше побрз од звукот на сирената постигнувајќи ги можеби најважните поени во неговата кариера. Ненс го заврши мечот со 15 поени и 16 скока, додека најефикасен кај гостите беше Родни Худ со 17 поени.
Сабонис се истакна како најефикасен кај поразените, со 17 поени.
Larry Nance Jr. comes up clutch with the tip-in #TissotBuzzerBeater to win it for the @cavs! #ThisIsYourTime #BeTheFight pic.twitter.com/DURoBu4WdP
— NBA (@NBA) December 19, 2018
Атланта хокс дојде само до седмата победа сезонава, откако ноќеска беше подобра од тимот на Вашингтон визардс со 118:110. Џон Колинс и Треј Јанг ја предводеа домашната екипа со 20, односно 19 поени, додека Бредли Бил беше најрасположениот кошаркар од редовите на Вашингтон со 29 поени и 10 скока.