Еден од најдобрите играчи на Коњаспор сезонава, Ахмет Чалик, утрово загина во сообраќајна несреќа, пренесуваат турските медиуми, а информацијата ја потврдија и од неговиот клуб.
Чалик, кој имаше само 27 години, во близина на Анкара со својот автомобил излетал од патот и починал на самото место. Фудбалерот бил сам во автомобилот.
Чалик е фудбалер кој потекнува од школата на Генчлербирлиги, а во 2017 година направи трансфер во Галатасарај. Три сезони го носеше дресот на турскиот гигант, а во 2020 година замина во Коњаспор.
Сезонава дефанзивецот Чалик одигра 18 меча за Коњаспор и беше еден од најважните играчи во тимот. Ахмет на осум меча го носеше и дресот на турската репрезентација, а успеа да постигне и еден гол.
Konyaspor’umuza geldiği ilk günden bu yana taraftarımızın ve şehrimizin sevgisini kazanan futbolcumuz Ahmet Çalık’ı kaybetmenin derin üzüntüsünü yaşıyoruz. Başta futbolcumuz Ahmet Çalık’ın ailesi olmak üzere hepimizin başı sağ olsun. pic.twitter.com/pmzD3SZhV6
— İttifak Holding Konyaspor (@konyaspor) January 11, 2022
