Лука Дончиќ е незадржлив во НБА-лигата. Тинејџерот од Словенија, кој ја игра дебитантската сезона во НБА-лигата, одигра неверојатен меч против Лос Анџелес клиперс. Дончиќ даде рекордни 32 поени во кариерата, но неговиот Далас загуби со 121:125.
Покрај 32-та поена, Лука додаде и четири скока, пет асистенции и четири украдени топки, а за 31 минута на теренот погоди 10/20 за два поени, 3/6 за три и 13 за еден поен. Во историјата на НБА-лигата вакви бројки како тинејџер на еден меч успеал да има само Леброн Џејмс пред 15 години.
.@luka7doncic sets a new career high with 32 points and becomes only the second player ever in NBA history to have 32 points/5 assists/4 rebounds/4 steals in a single game as a teenager (LeBron James 12/19/2003). pic.twitter.com/HEhUfcWuDB
— Dallas Mavericks (@dallasmavs) December 21, 2018
За жал на навивачите на Далас, одличната игра на Дончиќ не беше крунисана со победа. Данило Галинари со 32 поени и Лу Вилијамс со 26 поени, беа најефикасни кај победничкиот тим на Клиперс.
Во вториот меч одигран ноќеска во НБА лигата, Мајами со 101:99 го победи Хјустон. Гостите од Тексас имаа шут за победа во последниот напад, но Ерик Гордон промаши за тројка.
