Репрезентацијата на Данска приреди првокласна сензација на стартот од олимпискиот турнир во хокеј на мраз со победа против Чешка од 2:1.
Чесите кои се поранешни олимписки шампиони беа големи фаворити за стартна победа, но доживеаја непријатен пораз во Б групата.
Лауридсен и Нилсен постигнаа по еден гол во првата третина и Данците во следните 40-на минути успеаја да издржат и да победат.
Червенка на почетокот на вториот период од 20 минути погоди за 1:2, но Чесите потоа не дадоа барем уште еден гол за да избегнат пораз.
Во вториот меч од оваа група повеќекратниот олимписки првак Русија се мачеше против Швајцарија, но успеа со голот на Слепишев да победи со 1:0.
