Натурализираниот македонски кошаркарски репрезентативец, Џејкоб Вајли, со 24 поени беше прв стрелец на Бетис во поразот на гостувањето кај Басконија во дуел од шпанската АЦБ лига.
Баскијците победија со 93-72, а една третина од поените на гостинскиот тим ги постигна Вајли, и неговата добра форма е позитивен сигнал за македонскиот селектор Драган Бајиќ пред дуелите со Грузија на 24-ти и 27-ми февруари од квалификациите за СП 2023.
Вајли против Басконија играше 22 минути, па имаше повеќе поени од минути. Собра и три скока, а погоди 12 од 14-те обиди за двојка. Бетис е претпоследен на табелата.