Харви Елиот, големиот талент на Ливерпул, ја живее фудбалската бајка и со настапот вечерва против Интер стана најмладиот играч на англискиот гигант што настапил во Лигата на шампионите.
Елиот е на возраст од 18 години и 318 дена и за 36 дена го престигна Трент Александер-Арнолд, кој во 2017 година на дуелот со Спартак Москва стана најмладиот првотимец на Ливерпул на меч од ЛШ.
18 – Aged 18 years and 318 days, Harvey Elliott is the youngest player ever to start a European Cup/Champions League match for Liverpool (excl. qualifiers), overtaking teammate Trent Alexander-Arnold (18y 354d v Spartak Moscow in 2017). Stage. pic.twitter.com/gIXvm6nm89
— OptaJoe (@OptaJoe) February 16, 2022
Тоа е само првиот дел од фудбалската бајка на Елиот, а поинтересниот дел е што само за 4 години од голем навивач на Ливерпул, стана и најмлад играч на Црвените во ЛШ.
Во 2018 година со својот татко Скот Елиот, младиот Харви патуваше за Киев и како навивач од трибините го бодреше Ливерпул во финалето на Лигата на шампионите против Реал Мадрид.
Сепак, тогаш не се радуваше на победа и на пехар во луксузното натпреварување бидејќи шпанскиот гигант беше подобар и победи со 3:1.
Harvey Elliott at the 2018 Champions League final in Kiev as a fan with his dad Scott. Tonight he makes his European debut for the Reds in the San Siro. He’s living the dream. #LFC pic.twitter.com/L9l72okWZ8
— James Pearce (@JamesPearceLFC) February 16, 2022
Елиот има уште една причина за радост бидејќи на почетокот на овој месец се врати на фудбалските терени по тешката повреда во септември, лани.
Тогаш на мечот против Лидс го скрши зглобот на ногата и долго паузираше.
