Мишел Гизин потврди дека е најдобра на светот во алпска комбинација и успеа да го одбрани златниот медал од претходната Олимпијада во Пјонгчанг.
Швајцарката најдобро комбинираше во двете различни трки и победи со време од 2:25,67 минути, однсно со предност од 1,05 секунди пред сонародничката Венди Холденер.
Италијанката Фредерика Брињоне го освои бронзениот медал во последната трка во алспско скијање на Зимските олимписки игри во Пекинг.
Повторно разочара Михаела Шифрин, која не успеа да ја заврши слаломската трка и остана без медал на Игрите во Кина.
Во фокусот денеска на ЗОИ во Пекинг беше и женското финале во хокеј на мраз, а Канада ја освои титулата со победа од 3:2 против САД.
Бронзата им припадна на хокеарките на Финска по победата од 4:0 против Швајцарија во малото финале.
