Делонте Вест преживеа пат од остварување на сонот и настапи во НБА лигата, до пеколни денови на улица како бездомник што беше на работ на амбисот и заглавен со дрога, тепан и неколкупати апсен.
Сега е на патот на кам-бек во нормалниот живот, иако нема да игра кошарка професионално.
Вест тренира рекреативно, а неговата приказна сега се претвара во бајка, што му ја овозможи сопственикот на Далас маверикс, Марк Кјубан.
https://twitter.com/DailyLoud/status/1494308333234311175?s=20&t=z5hu3fzreP_Nl9_8yyTd8Q
Кјубан не го заборави играчот што настапуваше една сезона во Далас маверикс и му помогна да се извлече од опасна ситуација.
Вест заработи околу 16 милиони евра со настапи за пет клуба во НБА лигата, но остана без пари и на улица како бездомник.
Застрашувачки беа сликите од неговото апсење на почетокот на минатата година. На фотографиите и видео-снимките Делонте беше непрепознатлив, а со лисици на рацете беше приведен, откако едвај и неразбирливо објаснуваше дека бил нападнат и претепан на улица.
Бездомникот сега се враќа во нормала, а Кјубан му овозможи да го почне процесот на рехабилитација.
Вест се вработи во центар за терапија на Флорида, што и самиот го посетуваше благодарение на прекрасниот гест на сопственикот на Далас маверикс.
Ladies & Gentlemen, I present to you, Delonte West . A long, long , long way to go, but he has taken the first steps and shared these with all of us as a thank you for the love and support. pic.twitter.com/555twAEVDP
— Mark Cuban (@mcuban) October 9, 2020
Кјубан приреди гест за почит, а Вест конечно повторно може да живее нормален живот.
И во текот на НБА кариерата имаше контроверзни моменти, беше апсен со дрога и оружје во него, но сега вели дека свртел нов лист.
Позната е и анегдотата дека во 2010 година бил намерно повторно ангажиран од Бостон селтикс со специјална задача да го нервира Леброн Џејмс во плејоф дуелите со Кливленд.
Вест бил во врска со мајката на Леброн и успеа да го изнервира Џејмс на клучниот петти меч од полуфиналето во Источната конференција.
Вест веднаш откако влезе на терен му шепна нешто на уво на Леброн, кој видно се вознемири, па потоа направи фаул и доби техничка лична грешка.
„Веројатно сите знаеја дека имал љубовна врска со мајка му, освен јас и Леброн“, изјави тогаш Калвин Марфи.
Бостон го доби тој меч убедливо и потоа со победа и во шесттиот меч го елиминираа Кливленд и Џејмс.
