Џејмс Харден дебитираше за Филаделфија 76 и покажа дека ќе биде големо засилување со учинок од 27 поени, 12 асистенции и 8 скока во победата против Минесота тимбервулфс со 133:102.
Брадата одлично соработуваше со првата ѕвезда во тимот, Џоел Ембид, а двајцата заедно постигнаа 61 поен, имаа 18 скока и 15 асистенции.
Харден пристигна во Филаделфија како дел од трампата во која Бен Симонс замина во бруклин нетс.
https://twitter.com/NBA/status/1497403611281825792?s=20&t=Jq5FD3-EfHP6TiV0E7hc1g
Неверојатен меч со вкупно 310 поени одиграа Вашингтон визардс и Сан Антонио спарс, а победија гостите со 157:153 по две продолженија.
Во големото градско дерби на Лос Анџелес, Клиперс беа подобри од Лејкерс со 105:102.
Во Њујорк блескаше Ер-џеј Берет со рекордни во кариерата 46 поени, од кои30 постигна во првото полувреме. Двата ефекти му се најдобри во кариерата.
4️⃣ 6️⃣
RJ Barrett was ON FIRE dropping 30 points in the first half on his way to setting a new career-high in points with 46!@RjBarrett6: 46 PTS | 9 REB | 6 3PM pic.twitter.com/HptSwNXkei
— NBA (@NBA) February 26, 2022
Во Њујорк се случи уште едно чудо и незадоволните навивачи на Никс во еден момент почнаа да навиваат за Мајами хит, незадоволни од игрите и резултатите на својот омилен тим.
Њујорк загуби од Мајами во „Медисон сквер гарден“ со 100:115, што им е четврти пораз по ред, кој ги оддалечи од плејофот.
Резултати: Шарлот – Торонто 125:93, Индијана – Оклахома 125:129 по продолженија, Орландо – Хјустон 119:111, Вашингтон – Сан Антонио 153:157 по две продолженија, Њујорк – Мајами 100:115, Минесота – Филаделфија 102:133, Феникс – Оклахома 102:117, Јута – Далас 114:109, Л.А. Лејкерс – Л.А. Клиперс 102:105.
