Зачестија проблемите со навивачите на трибините, а вечерва повторно симпатизер на фудбалски натпревар имаше здравствени проблеми, овојпат на познатиот Коп на Ливерпул на „Енфилд роуд“.
Мечот со Интер беше прекинат на 5-6 минути за да му се пружи помош на несреќниот навивач, а засега не е познато за каков проблем се работи.
Тренерот на Ливерпул, Јирген Клоп, реагираше брзо и веднаш побара од четвртиот судија на мечот да побара медицинска интервенција на „Енфилд роуд“.
Според апалузот на стадионот може да се претпостави дека ќе нема фатални последици, а првото полувреме од реванш-дуелот меѓу Ливерпул и Интер беше продолжено за 5 минути.
Medical emergency in the Kop. Game stopped.
— James Pearce (@JamesPearceLFC) March 8, 2022
По првиот дел резултатот е 0:0, па Ливерпул ја задржа предноста од 2:0 од првиот меч во Милано и е многу блиску до четвртфиналето.
Проблемите со навивачите, кои имаат здравствени проблеми, зачестија во последно време, а тоа особено често се случува на натпреварите во Англија.
Имаше неколку вакви прекини за да им се укаже лекарска помош на луѓе на трибините, а најчесто причината беше срцев удар.
