Мечот меѓу Бохум и Борусија Менхенгладбах во Бундеслигата е прекинат, откако домашните навивачи го гаѓаа и го повредија помошник судијата со чаши полни со пиво.
Инцидентот се случи во 70. минута при резултат 0:2 за гостите. Непосредно пред натпреварот раководството на Бохумобјави видео со кое ги замоли навивачите да не фрлаат чаши на терен, но токму тоа се случи вечерва на „Воновија“ стадионот во Бохум.
Не помогна ниту рекацијата на фудбалерите на домашниот тим, па мечот веројатно нема да се доигра вечерва.
