Шпанскиот селектор на Романија, Чави Пасквал на сите начини се обидува да ја мобилизира репрезентацијата во обидот да се анулира негативата од 8 гола против Македонија, денеска во Букурешт од 17 часот во реванш квалификацискиот меч за СП.
Пасквал извади дополнителен џокер за Романците, а интересно е дека се работи за шпанскиот ракометар, Хавиер Хумет, кој има романски пасош.
Хумет имаше семејна трагедија, му почина сопругата и не играше во Скопје пред два дена, кога Македонија ја победи Романија со 30:22 и со предност од 8 гола ќе го почне реваншот денеска во Букурешт од 17 часот.
Хумет е одличен ракометар, има 32 години и игра на позицијата десен бек. Настапува за Динамо Букурешт, а има играно и за Портланд Сан Антонио во Шпанија и потоа за француски Иври и за неколку романски екипи.
Победникот од двомечот меѓу Македонија и Романија ќе игра против Чешка за настап на ракометниот Мундијал, идната година во јануари во Полска и Шведска.
