Серхио Љуљ промаши шут за победничка тројка за Реал Мадрид во последната секунда од кошаркарското Ел Класико, па Барселона ја искористи можноста да игра продолженија и победи со 108:97.
Капитенот на Реал се обиде да погоди од тешка позиција за три поени, но промаши и резултатот во регуларниот дел беше 89:89 и се играа дополнителни пет минути.
Во продолжението Барселона беше многу подобра, го доби со 19:8 и победи со 108:97.
Каталонците останаа на врвот на табелата со 44 бода, пет повеќе од Реал Мадрид.
Лапровитола со 20 поени беше прв стрелец и кај Барселона и на мечот, а зад него беше неговиот соиграч Смитс со 18 поени.
Најефикасен кај Реал беше Габриел Дек со 17 поени.