По елиминацијата од Ајнтрахт Франкфурт, Барселона вчеравечер доживеа уште еден шок пред своите навивачи откако загуби од Кадис со 0:1.
Малиот тим којшто се бори за опстанок уште еднаш се покажа кобен за каталонскиот гигант, откако во првиот дел од сезоната одиграа 0:0.
Тренерот на Барса, Чави, сосема очекувано беше разочаран од сето тоа што се случуваше.
„Секако дека сум разочаран. Пропуштивме златна шанса од борба за место во Лигата на шампионите да влеземе во борба за титулата во Ла Лига. Ние сме Барселона и мораме да направиме повеќе. Не дека фудбалерите не сакаа да победат, но потребен ни е цврст, натпреварувачки карактер“, изјави Чави.
Барселона сега е на делба на втората позиција со Севилја и Атлетико Мадрид со по 60 бодови, додека Бетис има три помалку. Каталонците имаат и натпревар помалку, додека напред убедливо води Реал со 75 бодови.
