Прославениот сицилијански фудбалски клуб Месина, е подготвен да започне нов почеток. Клубот кој некогаш беше дел од Серија А, се продава за само едно евро.
Месина во изминатве две децении одеше од очај до сјај и обратно. Во сезоната 2004/05 тоа беше клубот кој беше најпријатно изненадување во Серија А. Иако се очекуваше Месина да испадне од елитата, тимот одигра фантастична сезона и заврши на седмото место на табелата. Следната сезона едвај се спаси да не испадне, но во 2007 година немаше спас и испадна од Серија А.
Сега, клубот е на продажба и тоа за само едно евро, но засега уште нема ниедна официјална понуда.
Messina is on sale for only 1 euro (plus I assume a nice chunk of inherited debt). The Stadio San Filippo was opened in 2004, which in Italian stadium years means it is only 1 year old. pic.twitter.com/ZdV4u7T4gd
— Francesco (@FRANCESCalciO_) June 9, 2022
„Засега уште нема стигнато ниту една официјална понуда, иако имаше неколку телефонски повици. Сакам моето време во клубот да го завршам со симболично едно евро. рокот е до 12 јуни. Ако до тогаш не се пријави никој, ќе мора да донесам тешка одлука“, вели претседателот на Месина, Пјетро Скиоти.
