Американскиот јутубер Досон Герли, попознат како Големиот Довс, ноќеска се прослави во пресрет на петтиот меч меѓу Голден стејт вориорс и Бостон селтикс.
Досон е плукната копија на Клеј Томпсон, ѕвездата на Вориорс, па решил да си ја проба среќата и незабележливо да се приклучи на тимот кој го води Стив Кер.
Јутуберот облечен комплетно во униформа на Воините успешно минал покрај обезбедувањето и на теренот се задржа 10 минути загревајќи се со домашните кошаркари.
Откако го забележале дека всушност не е кошаркар, обезбедувањето веднаш реагирало, па Досон завршил надвор од арената и доби доживотна забрана за влез во „Чејс центарот“ за НБА-натпревари.
„Добив доживотна забрана затоа што поминав покрај пет различни обезбедувања, кои без проблем ме пуштија и не ми побараа акредитација. Шутирав и шетав на теренот околу 10 минути. Исто така потрошив 10.000 долари за билетот, кои не сакаат да ми ги вратат. И сега, зошто јас да добијам казна кога нивното обезбедување е некомпетентно да си ја врши работата?“, се огласи Досон преку „Твитер“.
Banned bc I walked pass 5 layers of security guards (who willingly let me through security without asking for ID) & shot around on the court for 10 minutes. I also spent 10K on tickets which they are not refunding. Why should I be banned because their security is incompetent?
— Daws (@BigDawsTv) June 13, 2022
Досон набрзо потоа се огласи уште еднаш, вели дека воопшто не жали што потрошил 10.000 долари за билет бидејќи во тие 10 минути се чувствувал како НБА-играч.
https://twitter.com/BigDawsTv/status/1536513362070163461
