Ливерпул одигра без голови на гости кај Евертон, во големото градско дерби, резултат од кој секако Црвените не може да бидат многу задоволни. Тимот на Јирген Клоп остана само со две победи по првите шест кола и е далеку од врвот на табелата.
„Ова беше вистинско дерби. Со многу интензитет, со многу интересни моменти. Мислам дека три пати ја погодувавме рамката на голот, а Пикфорд имаше и неколку спектакуларни одбрани. Што требаше повеќе да направиме? Чудно звучи дека заврши 0:0“, рече Клоп.
Ливерпул сега има девет бодови, додека Евертон уште е без победа сезонава и има само четири бодови на своето конто.
