Полицијата во Милано привела 14 хрватски навивачи пред дуелот против Милан на „Сан Сиро“. Полицијата го сопрела комбето со кое патувале навивачите и по претресот биле пронајдени димни бомби, палки и неколку ножеви.
Во Милано има пристигнато околу 4.000 фанови на Динамо, а дел од нив се собрани пред стадионот, додека другиот дел се во центарот на градот. Полицијата во Милано се надева дека нема да дојде до поголем инцидент како што беше во 2000 година, кога популарните „Бед Блу Бојси“ направија мала „војна“ пред тогашниот дуел со Милан.
