Одличен меч се игра во Билбао и по првото полувреме Атлетик Билбао води со 3:1 против Рајо Валјекано, а и буквално страда нашиот репрезентативен голман Столе Димитриевски поради слабата одбрана на гостите од Мадрид.
Рајо поведе со голот на Оскар Трехо, а потоа продолжи лошо и Димитриевски често беше на ветрометина, сам против напаѓачите на Атлетик.
Два гола му дадоа браќата Вилијамс, Ињаки и Нико, а еден постигна и Сансет, па Атлетик има голема предност од 3:1 по првиот дел.
https://twitter.com/julietbawuah/status/1571225877907755008?s=20&t=F7EQfXHw-QeVYS4nzggGHw
Домаќините постигнаа уште еден гол, стрелец беше Ињаки Вилијамс, но Рајо и Димитриевски имаа многу среќа, бидејќи играчот со најдолга низа настапи во Ла Лига без прекин беше за малку во офсајд.
