Кошаркарите на Лос Анџелес лејкерс се само еден од трите тима што сè уште немаат триумф во новата сезона во НБА-лигата. Лејкерси четвртиот пораз во четвртиот меч сезонава го доживеаја од Денвер, и тоа со 110:99. Првата ѕвезда на ЛА лејкерс, Леброн Џејмс, за првпат по дебитантската 2003/04 сезона има 0-4 во првите четири меча.
https://twitter.com/i/status/1585476191623860224
Клучен момент за победата беше третата четвртина, која Денвер ја доби со 32:17, по што двоцифрената предност ја зачува до крајот на натпреварот. Најдобар кај Денвер беше Никола Јокиќ со 31 поен, 13 скока и 9 асистенции, а Брус Браун даде 18 поени.
https://twitter.com/i/status/1585503941139521536
Во редовите на Лејкерси, кои заедно со Сакраменто и Орландо, сè уште немаат триумф, најдобро одигра Ентони Дејвис, кој оствари дабл-дабл од 22 поени и 14 скока.
Одлична партија одигра и Бојан Богдановиќ, кој во поразот на неговиот Детроит од 118:113 од Атланта постигна 33 поени.
Одличен беше и минатогодинешниот прв избор на драфтот, Кејд Канингем, со 26 поени, но Клиповите немаа решение за двоецот на Атланта Тре Јанг, кој даде 35 поени, и Џош Колинс, кој имаше скор од 19 поени и 11 скокови.
Trae Young was TOO COLD in the @ATLHawks win:@TheTraeYoung 35 PTS | 6 AST pic.twitter.com/MaaUM1qkY7
— NBA (@NBA) October 27, 2022
Милвоки бакс предводен од Јанис Адетокумбо, кој даде 43 поени, со 110:99 го совлада Бруклин нетс, за кого Кевин Дурант постигна 44 поени.
Во дербито на Истокот, Торонто со 119:109 ја совлада Филаделфија , додека Чикаго беше поуспешен од Индијана славејќи со 124:109.
