Баерн Минхен е единствениот тим кој групната фаза од Лигата на шампионите ја заврши со максимални 18 бодови откако и синоќа се радуваше во дуелот против Интер. Домаќините на „Алијанц арената“ победија со 2:0, но средбата можеше да има друг тек доколку Интер добиеше пенал во осмата минута од мечот.
Гостите беа во напад, Барела шутираше од далеку, а топката одеше кон голот. Пред голот беше Садио Мане, кој инстиктивно со раце ја удри топката и таа заврши во корнер. Судијата реши да гледа ВАР-снимка околу тоа дали е пенал или не, а на крајот одлуката беше дека иако Мане со двете раце ја удри топката, тоа не е за пенал.
Оваа одлука на арбитерот е исправна поради правилото кое вели дека доколку играчот со природен рефлекс ги крене рацете за да се одбрани, тогаш играта треба да продолжи.
Bayern 🆚 Inter.
El árbitro Kruzliak no sancionó penal en Champions a pesar que las manos de Mané van al balón y no el balón a la mano. El motivo?
Usó sus manos para protegerse el rostro del pelotazo. Es legítimo! pic.twitter.com/GXMWBNheA8
— 🇺🇦 Arturo Magallanes (@Arturo_M13) November 1, 2022
Самиот Мане по средбата изјави дека ако не се одбранел од топката, можел да биде тешко повреден.
„Тоа беше силен удар и доколку не ги кренев рацете, топката ќе удреше во моето лице, а јас можев да завршам во болница. Мислам дека е дозволено да се користат рацете за да се заштити лицето, така што таа ситуација не беше за пенал“, рече Мане по мечот.