Претседателот на Европската фудбалска асоцијација, УЕФА, Александер Чеферин, посакува некоја европска репрезентација да се закити со светската титула на претстојниот Мундијал во Катар, и изрази надеж дека веќе никогаш Мундијал нема да се одржи во зима.
„Сигурен сум дека Светското првенство во Катар ќе биде фантастично организирано, но се надевам дека во иднина веќе никогаш нема да има зимски Мундијали. Пред нас е спектакл, месец дена фантастичен фудбал, а верувам дека повторно некоја селекција од Европа ќе ја освои титулата. Од 2006 наваму сите шампиони беа од Европа, а пред четири години во Русија и сите четири полуфиналисти беа од Европа. Единствени кои може да им парираат на европските репрезентации се Бразил и Аргентина“ – рече Чеферин во интервју за словенечки „Дело“.
