Репрезентацијата на Уругвај иако победи во последното коло од групата Х, на крајот поради послаба гол разлика испадна од Светското првенство во Катар и тоа скапо може да го чини Хозе Марија Хименез, кој буквално пукна пред камерите и упати сериозни обвинувања против ФИФА.
Уругвајците беа гневни бидејќи сметаа дека судијата ги оштетил во неколку наврати, и дека во финишот од натпреварот не досудил пенал по прекршокот над Единсон Кавани.
❗️ Josema Giménez after the game: “They [the referees] are all a bunch of thieves these sons of b*tches. Yes, record me. Son of a b*tch.”
— Atletico Universe (@atletiuniverse) December 2, 2022
„Сите вие, (судиите) сте една група крадци, ку**ини синови. Снимајте ме, ку**ин сине, снимај“, викаше Хименез во камерата.
Тој потоа направи уште еден „голем грев“, со лакот во главата го удри официјалниот претставник на ФИФА задолжен за организација на натпреварувањето.
Поради ваквите постапи, Хименез е под истрага на ФИФА, а најтешката казна е доживотно исфрлање од фудбалот.
A clip of Josema Giménez nudging the director of FIFA competitions and immediately insulting him in a very serious way. pic.twitter.com/krASEPqD8X
— Atletico Universe (@atletiuniverse) December 2, 2022
Бурно реагираше и Единсон Кавани, кој го собори мониторот на кој судијата ги гледа спорните моменти кои ги забележале судиите во ВАР собара, па и тој може да добие казна.
😬 Something tells me Edinson Cavani is not a fan of VAR…https://t.co/wYpBzSVcf1
— The Sportsman (@TheSportsman) December 2, 2022
Уругвај ја победи Гана со 2:0, но поради триумфот од 2:1 на Јужна Кореја над Португалија, испадна од Мундијалот. И Кореанците и Уругвај настапите во групата Х ги завршија со четири освоени бода, но азиската селекција имаше гол разлика 4:4, додека јужноамериканците само 2:2.
