Братот на францускиот репрезентативец Пол Погба, Матијас Погба, кој беше во истражен затвор од 18 септември, денеска е ослободен, објави „Франс прес“.
Во налогот кој беше потпишан вчера, двајцата истражни судии го одобрија барањето за ослободување поднесено од адвокатот на Матијас Погба, а обвинителството не се спротивстави на ова барање.
Според весникот „Ле Паризиен“, Матијас Погба (32) утрово го напуштил притворот во кој се наоѓал од 18 септември.
Матијас Погба, заедно со уште четворица осомничени, е обвинет како дел од истрагата за изнуда на играчи на Јувентус.
Случајот започна со тужба поднесена од Пол Погба до канцеларијата на јавното обвинителство во Торино на 16 јули, во која тој обвини обид за изнуда од март до јули 2022 година во износ од 13 милиони евра.
Целиот случај излезе во јавноста дури на 27 август, кога Матијас Погба на социјалните мрежи објави „големи откритија“ за својот брат.
Обвинителството во Париз отвори прелиминарна истрага, а на 2 септември следуваше судска истрага за изнуда со оружје, киднапирање или киднапирање во организирана група и учество во злосторничко здружување.
Пол Погба на инспекторите им рекол дека бил заробен од пријатели од детството и двајца мажи кои имале маски на главите и биле вооружени со пушки. Тие го обвиниле дека не им помогнал финансиски откако станал славен. Од него барале 13 милиони евра, а Погба на истражителите им рекол дека им платил 100.000 евра.
