Менаџерот на Манчестер јунајтед, Ерик Тен Хаг е на вистинскиот пат да го врати препознатливиот сјај на клубот, кој е рекордер со 20 шампионски круни во Англија, но вели дека некој случајно, или намерно носел безброј просечни играчи во минатите години.
„Клубот се полнел со просечни играчи во изминатите години, а такви не му требаат на гигант каков што е Манчестер јунајтед.
Не знам која е причината, случајно, од незнаење, или можеби и намерно, но просечни играчи во толкав голем број не му требаат на Манчестер јунајтед. Некој заборавил колку тежи дресот на најтрофејниот англиски клуб. Само играчи со карактер и квалитет што можат да издржат огромен притисок можат да играат за нас“, вели Тен Хаг.
EtH: “The club has bought an unimaginable number of players in recent years not good enough.
“Most purchases have been average – and at #mufc average is not good enough. United's shirt weighs heavily. Only real personalities, who can perform under great pressure, can play here." pic.twitter.com/Ml9Ulfs445
— Alex Turk (@AlexCTurk) January 7, 2023
Манчестер јунајтед моментно е во серија од пет победи во сите натпреварувања, а во клубот се уште се чека првата титула од 2017 година.
Тогаш Црвените ѓаволи го кренаа пехарот во Европа Лигата, а потоа гостуваа во Скопје на УЕФА Суперкупот на Европа во дуел со европскиот шампион Реал Мадрид што го загубија со 1:2.
