Еден од најталентираните кошаркари во НБА лигата, Џа Морант, се пријави за наградата за најатрактивен потег на сезоната, со монструозниот скок и одраз и забивање за Оскар.
Бекот на Мемфис гризлис со прекрасна финта го издрибла Брисет од Индијана пејсерс и потоа се вивна во воздух, недостижен за ривалите и заби на неверојатен начин.
https://twitter.com/NBA/status/1614439270994919424?s=20&t=ld2GNDaCq8sOd5i5GKPu_A
Морант беше втор стрелец на Мемфис со 23 поени во победата против Индијана пејсерс со 130:112.
Дезмонд Бејн со 25 поени беше топ-стрелец кај Мемфис, а исто толку даде и Дуарте за Индијана.
Во меч што требаше да биде дерби на Западната конференција, Портланд трејлблејзерс многу лесно го победи Далас маверикс со 136:119 и притоа приреди редок подвиг и ги доби сите четири чествртини.
Блескаше Ол-стар ѕвездата на Портланд Демиен Лилард со 36 поени, 10 асистенции и пет скока, а скромен беше Лука Дончиќ најголемата ѕвезда на гостите со 15 поени, 10 асистенции и шест скока.
https://twitter.com/ESPNNBA/status/1614489415102914561?s=20&t=ld2GNDaCq8sOd5i5GKPu_A
Резултати: Шарлот – Бостон 106:122, Индијана – Мемфис 112:130, Торонто – Атланта 103:114, Минесота – Кливленд 110:102, Јута – Филаделфија 117:118, Портланд – Далас 136:119.
