Германија ја декласира Аргентина со 39:19 во меч од третото коло во втората фаза на ракометниот Мундијал во Полска и Шведска и е блиску до пласман во четвртфиналето.
Двата големи фудбалски ривали сепак имаат многу поразличен рејтинг во светот на ракометот, а Германците ја потврдија класата и го декласираа ривалот со 20 гола разлика.
Тие се лидери во третата група со максимални 3 победи, а исто таков ефект има и Египет во четвртата група по победата вечерва против Белгија со 33:28.
Првопласираните две репрезентации од сите четири групи ќе играат во четвртфиналето на Мундијалот што заедно го организираат Полска и Шведска.
