Одлично дерби одиграа Арсенал и Манчестер јунајтед, а со ѓаволски добар финиш Топчиите победија со 3:2 и одговорија на сите предизвици дали се кадарни за титулата.
Еди Нкетија е јунакот на Арсенал, постигна два гола, а последниот го реши дербито што заврши 3:2 за лидерот на табелата.
Голот на напаѓачот на Арсенал го мина и тестот на ВАР системот и беше потврдено дека нема офсајд на голема радост на навивачите на лондонскиот клуб.
GOAL! Eddie Nketiah scores #ARSMUN #PL pic.twitter.com/hGEMZXR94n
— pureredhead (@ej2086693) January 22, 2023
Имаше и голови и пресврти и силно темпо во англискиот фудбалски класик на две екипи што се во топ-форма.
Гостите од Манчестер поведоа со голот на Маркус Рашфорд во 17. минута. Израмни Еди Нкетија 7 минути подоцна, па резултатот по првото полувреме беше нерешен 1:1.
Публиката уживаше во топ-фудбал, а со многу емоции домашните симпатизери го поздравија прекрасниот гол на Бакајо Сака за 2:1 во 53. минута.
https://twitter.com/Wotyyt/status/1617216167218749442?s=20&t=GoPslusifvVnBOcEj4e5Bw
Слично како Арсенал во првото полувреме и Манчестер јунајтед брзо израмни во вториот дел.
Само шест минути по голот на Сака, Лисандро Мартинес мудро ја искористи грешката на голмант Арон Рамсдејл и со интересен удар со глава изамни на 2:2 во големото англиско дерби, но недоволно за бод по голот на Нкетија во 90 минута.
https://twitter.com/unitedclip/status/1617218303880986629?s=20&t=GoPslusifvVnBOcEj4e5Bw
Арсенал остана лидер со 50 бода и меч помалку од второпласираниот Манчестер сити, кој има 45 бода.
Манчестер јунајтед има 39 бода колку и Њукасл со 39 го затвара кругот на кандидати за титулата.
