За огромен број фанови и експерти, Лионел Меси е најдобар фудбалер на сите времиња, а тој статус го зацементира со триумфот на Светското првенство што се одржа во Катар, но така не мисли поранешниот бразилски репрезентативец Ромарио.
Тој за време на гостување во ТВ-емисија изјави дека е подобар фудбалер од Лионел Меси.
Тој избираше играчи за идеалниот тим на Барселона помеѓу неговите сограчи и членовите на една од најдобрите генерации во историјата на каталонскиот тим која ја предводеа Меси, Чави и Иниеста, а притоа објасни зошто е подобар од Аргентинецот.
https://twitter.com/i/status/1619651572409012224
„Бидејќи ние сме играчи што играме на различни позиции. На неговата позиција, тој е најдобар на светот, но на мојата позиција, јас сум подобар фудбалер од него“, изјави Ромарио.
Бразилецот во неговиот идеален тим на Барселона ги избра: Андони Зубизарета, Дани Алвес, Пеп Гвардиола, Роналд Куман, Анхел Надал, Андрес Иниеста, Серхи, Христо Стоичков, Чави, Чики Бегиристајн и Ромарио.
