Пари Сен Жермен и Лил одиграа супер интересен меч кој заврши со победа на домашните од 4-3, но на виделина се појавија и многу негативни работи околу францускиот првак.
ПСЖ после само 17 минути игра водеше со 2-0, голови дадоа Килијан Мбапе и Нејмар, фалеше само уште тазе избричениот Лионел Меси да се приклучи на гол-шоуто, но работите брзо тргнаа во лош правец.
Лил намали на 1-2, резултат со кој се замина на пауза, а после неколку минути од второто полувреме се повреди Нејмар, кој на носила беше изнесен од стадионот. Светците како да беа во шок, па примија уште два гола и Лил поведе со 3-2. Мбапе израмни на 3-3 и ги поправи грешките на одбраната кон која имаше многу замерки, особено за третиот примен гол.
Kylian Mbappé’s scolds the PSG defence as they fall 3-2 behind at home to Lille. pic.twitter.com/FNgNHDvJ2j
— Get French Football News (@GFFN) February 19, 2023
За тотално лудило и триумф на тимот кој делуваше загубено до неколку минути пред крајот, се погрижи Меси кој во 95-та минута од слободен удар даде гол вреден три бода.
