Во драматичен меч, Пари Сен Жермен со 4:3 го победи Лил, а херој на мечот е Лионел Меси кој погоди од слободен удар во 94 минута за победа. Ако Меси е херојот, Нејмар е играчот за кој овој дуел беше малерозен.
Бразилецот даде гол, а имаше и асистенција, но на почетокот на второто полувреме со носилки беше изненсен од теренот поради повреда. Драматично делуваше Нејмар на теренот, а од таборот на францускиот првак стигнаа првите информации околу тежината на повредата.
neymar was still trying to walk & wanted to play even after the nasty injury 🙁 pic.twitter.com/nqZVfH0K2P
— wrice (@youarealoserfr) February 19, 2023
Добро е тоа што нема скршеница, но има истегнување на скочниот зглоб. Ова го откри магнетната резонанса која била направена веднаш по мечот. „За 48 часа ќе биде направена нова проценка на лигаментите“, стои во соопштението на ПСЖ.
🚨🚨🚨| Neymar suffers from a sprained ankle and the MRI performed today does NOT reveal a fracture. A new ligament assessment will be carried out in 48 hours says PSG. 🩺🇧🇷 pic.twitter.com/BRP6Faykat
— PSG Report (@PSG_Report) February 19, 2023
По оваа повреда на Нејмар, голем дел од навивачите веднаш започнаа да се сомневаат околу тоа колку Бразилецот е повреден, затоа што се ближи роденденот на неговата сестра Рафаела. Нејмар има многу близо однос со Рафаела и во последните 10-тина години речиси секогаш е во родниот Бразил за нејзината роденденска забава.
Роденденот на Рафаела е на 11 март, односно за 20-тина дена, па многумина сметаат дека дијагнозата за повредата на Нејмар може да биде пауза од еден месец, таман за да може да замине во Бразил и да биде присутен на роденденот на неговата сестра.
