Прволигашот Шкупи остана без голманот Игор Алексовски, кој го повреди коленото на зимските подготовки со тимот во Анталија.
По консултациите со медицинскиот тим на Шкупи, Алексовски е вратен во Скопје и ќе има дополнителни прегледи за да се утврди тежината на повредата.
Игор е дел од младинската генерација репрезентативци на Македонија што запиша историја со настап на Европското првенство во Полска 2017 и бранеше на два од трите натпревари, против Шпанија и против Србија.
Лани од Вардар се пресели во Шкупи, тим за којшто има 13 настапи.
