По дебаклот на „Енфилд роуд“ и поразот од 2:5 во дуелот со Реал Мадрид во Лигата на шампиони, Ливерпул уште еднаш ги разочара своите навивачи. Англискиот гигант овојпат одигра без голови на гостувањето кај Кристал Палас, во меч од 25. коло во Премиер лигата.
По ова реми, Ливерпул сега има 36 бодови од 23 кола и е на седмото место на табелата, што значи дека можно е да се случи, тимот на Јирген Клоп дури и да не може да обезбеди излез во Европа за следната сезона.
Гостинските фудбалери два пати ги погодуваа рамките на голот на Кристал Палас, а домаќините имаа една статива. По овој меч, Кристал Палас има 27 бодови од 24 кола и е на 12 место на табелата.
