Францускиот фудбалер Килијан Мбапе стана шестиот спортист кој има повеќе од 100 милиони следбеници на „Инстаграм“.
Напаѓачот на Пари Сен Жермен и на француската селекција ја надмина бројката од 100 милиони свои следбеници на оваа социјална мрежа и стана вкупно 30-тата личност со таква бројка на фанови, а шести меѓу спортистите.
Од спортистите, пред Мбапе се само фудбалерите Кристијано Роналдо (556 милиони), Лионел Меси (437 милиони), индискиот крикет играч Вират Коли (239 милиони), фудбалерот Нејмар (205 милиони) и кошаркарот Леброн Џејмс (147 милиони).
Меси, Нејмар и Мбапе се тимски колеги во ПСЖ, па овој клуб може да се пофали дека има тројца од четворицата најпопуларни фудбалери на светот.
