Барселона за прв пат киксираше во Примера дивисион откако одигра 2-2 на свој терен против Жирона. Шампионот имаше водство од 1-0, но потоа остана со играч помалку по исклучувањето на Клемeнт Ленгле. По еден дуел, Ленгле со лакот го закачи Пере Понс од Жирона, а двајцата играчи паднаа на теренот и почнаа да бараат лекарска помош.
Судијата реши дека ударот на Ленгле бил намерен и веднаш го исклучи. Со оваа одлука на арбитерот не се согласија играчите на Барселона, а по сè изгледа дека и навистина немало потреба да има црвен картон на средбата. Дури и Понс, кој беше директен учесник во спорната ситуација, потврди дека се зачудил за црвениот картон.
„Јас му подадов рака, бидејќи мислев дека јас сум направил фаул. Му се извинив. Ниту јас ниту тој имаше вина. Сепак, тука решава некој трет, а тоа е системот ВАР“, вели Понс.
По исклучувањето на играчот на Барселона, Жирона даде два гола и стигна до водство на „Камп ноу“, но сепак на крајот Жарарт Пике погоди за 2-2.
