Тренерот на Барселона, Чави Ернандес, ќе потпише нов договор со каталонскиот тим под еден услов, кој најверојатно ќе се исполни, објави новинарот кој е специјалист за трансфери, Фабрицио Романо.
Договорот на Чави со Барселона истекува идната година, а управата на каталонскиот тим веќе подготвила нов, финансиски подобар договор.
Но, Чави не сака уште сега да го потпише договорот бидејќи смета дека најважно во овие моменти е Барселона да ја освои титулата.
Барселона на 12 кола до крајот на сезоната е лидер на табелата со 68 бода, дури 12 повеќе од најголемиот ривал, Реал Мадрид, кого го победи со 2:1 во последниот меч во Ла Лига.
