Управата на ПСЖ во летниот преоден рок ќе се фокусира на купување напаѓач кој ќе му биде партнер на Килијан Мбапе и изборот падна на капитенот на Тотенхем, Хари Кејн, пишува весникот „Ле Паризиен“.
Претседателот на ПСЖ, Насер Ал-Келаифи, налето планира да направи ремонт на екипата, да се ослободи од неколку фудбалери, пред сè од Нејмар, и на нивно место да донесе нови играчи кои би требало на Мбапе да му помогнат конечно да дојде до трофејот кој му недоставува, тој во Лигата на шампионите.
🔴🔵 PSG are dreaming of signing Harry Kane this summer. The French club want to build around Mbappé with the England striker, reports @le_Parisien_PSG. pic.twitter.com/iVOOadG3OZ
— EuroFoot (@eurofootcom) April 18, 2023
Според „Ле Паризиен“, најслабата точка во екипата е втор напаѓач и затоа Ал-Келаифи одлучил налето да не штеди и да донесе елитен голтегер, па изборот паднал токму на Кејн, кој е капитен на англиската репрезентација.
Договорот на Кејн со Тотенхем истекува идната година, а засега нема никакви информации дека се започнати преговори за нов договор и тоа сака да го искористи ПСЖ, кој е подготвен да понуди помеѓу 90 и 100 милиони евра како отштета.
