Донесена официјална одлука за непристојниот гест на Роналдо

Кристијано Роналдо нема да биде казнет поради тоа штпо го направи по завршување на дербито против Ал Хилал. Клубот на Роналдо, Ал Наср загуби со 2:0, а фановите на Ал Хилал по мечот го провоцираа Португалецот скандирајќи „Меси, Меси“. Тогаш следуваше срамотен потег, кога Роналдо се фати за меѓуножјето како одговор на провокацијата на навивачите.

Cristiano Ronaldo reaction when the fans were chanting "Messi"pic.twitter.com/kMZCVNYN5Q

— IBT4P (@iibt4p) April 19, 2023

Јавноста во Саудиска Арабија реагираше на овој срамен потег на Роналдо, па постоеше и идеја фудбалерот да биде протеран до земјата.

Комисијата за дисциплина и етика при фудбалската федерација на Саудиска Арабија сепак немаше исто мислење како дел од јавноста, па Роналдо не доби никаква ниту суспензија, ниту парична казна.

Единствената казна која е изречена за овој меч е на сметка на Ал Наср и тоа од 15.000 реали поради тоа што гостите задоцнија неколку минути при излегувањето за почеток на второто полувреме.