Баерн Минхен го договорил првото големо засилување за следната сезона и тоа во офанзивниот ред од екипата. Рандал Коло Муани е фудбалерот кој сезонава игра одлично во тимот на Ајнтрахт Франкфурт, а во следната сезона треба да го носи дресот на најтрофејниот германски клуб.
Францускиот репрезентативец играше и на Светското првенство во Катар, а остана запаметен по промашувањето во 123 минута од финалето против Аргентина, кога голманот на Гаучосите го одбрани неговиот шут кој можеше да донесе светска круна на Галските петли.
Коло Муани сезонава одигра 43 меча во сите натпреварувања за Ајнтрахт и постигна 22 погодоци и го доби вниманието од Баерн Минхен. Гигантот од Минхен прово понуди 60 милиони евра за Коло Муани, но таа понуда брзо беше одбиена, затоа што Ајнтрахт бара 100 милиони евра.
Се очекува трансферот да биде реализиран на 80 милиони евра, но останатите 20 милиони евра да бидат дадени во вид на бонуси, па тоа значи дека Бундеслигата ќе го добие најскапиот трансфер во историјата. Засега, најскап фудбалер во историјата на Бундеслигата е доаѓањето на Лукас Ернандес од Атлетико Мадрид во Баерн Минхен за 80 милиони евра.
🚨 EXCL #BayernMunich: Bayern reached an agreement with Randal #KoloMuani for the French player to be a new signing for next season. Talks with Frankfurt are well underway. 🇫🇷🔴 #FCB
More news soon in: https://t.co/fsvMkWLPAE pic.twitter.com/usunySc2nX
— Pedro Almeida (@pedrogva6) May 19, 2023