Пари Сен Жермен победи на гости кај Оксер со 2:1 благодарение на двата гола на Килијан Мбапе. Уште во стартните 10 минути фаворитот ги реши сите дилеми. Најпрво во шестата минута по асистенција на Руис, Мбапе погоди за 1:0, а само две минути подоцна Лионел Меси беше асистент, а стрелецот беше ист.
На почетокот на второто полувреме, Оксер со голот на Синајоко намали на 1:2, но домаќините, кои се борат за опстанок, немаа сили да се спасат од пораз. Оксер има 34 бода, еден повеќе од Нант, кој е во зоната за испаѓање.
ПСЖ на врвот на табелата има 84 бода, шест повеќе од вториот Ленс, што значи дека во последните две кола останува Светците и теоретски да ја обезбедат титулата. За ПСЖ тоа ќе биде рекордна 11-та титула во француското првенство.
