Французинот Зинедин Зидан ја одбил понудата од саудискиот Ал-Наср вредна 150 милиони евра за да стане нивен тренер.
Популарниот Зизу, кој е единствен тренер во историјата со три титули по ред во Лигата на шампионите, добил супер богата понуда од 150 милиони евра за две години, но не е заинтересиран да го преземе тимот во којшто во моментов игра Кристијано Роналдо.
Зидан како главен тренер го има водено само Реал Мадрид, со кого испиша историја со трите европски титули од 2016 до 2018 година. Без работа е од 2021 година. Го поврзуваат и со ПСЖ, Реал Мадрид, Јувентус, кандидат е и за селектор на Франција кога ќе си замине Дидие Дешамп, па Саудиска Арабија и парите не го интересираат, приоритет и предизвик му е само Европа.
